कोरोनाको कारण वाणिज्य विभागको सेवा प्रवाह स्थगित

No Images Found

काठमाडौंः बजार अनुगमनको नियामक निकाय वाणिज्य, आपूर्ति तथा उपभोक्ता हित संरक्षण विभागले अत्यावश्यकबाहेकका सेवा बन्द गरेको छ ।

विभागले आज सूचना जारी गर्दै कोभीड–१९ को बढ्दो सङ्क्रमणका कारण बजार अनुगमन, आपूर्ति तथा उपभोक्ता संरक्षण शाखा तथा निकासी पैठारी इजाजत तथा सहजीकरण शाखाबाट प्रवाह हुने सेवाबाहेकका अन्य सम्पूर्ण सेवा आजदेखि यही वैशाख १९ गतेसम्मका लागि स्थगन गरिएको जनाएको छ ।

विभागमा सेवाग्राहीको भीडभाड हुँदा सङ्क्रमणको जोखिम रहेकाले जिल्ला प्रशासन कार्यालय काठमाडौँले अतिआवश्यकबाहेकका सबै सेवा प्रवाह बन्द गरेपछि प्रशासनकै आग्रहमा आफुँहरुले पनि सेवा प्रवाह स्थगन गरेको विभागका प्रवक्ता शिवराज सेढाईँले जानकारी दिएका छन् । भीडभाड बढी हुने काम रोकिए पनि बजार अनुगमनलगायतका काम हुने पनि उनले बताएका छन् ।