ललितपुर महानगरद्वारा कोरोनाबाट मृत्यु भएका व्यक्तिका परिवारलाई १ लाख दिने

No Images Found

काठमाडौं : ललितपुर महानगरपालिकाले कोरोना संक्रमणबाट मृत्यु भएका व्यक्तिको परिवारलाई एक लाख रुपैयाँ सहयोग प्रदान गर्ने निर्णय गरेको छ ।

शुक्रबार कोभिड–१९ विषयक पत्रकार सम्मेलन गर्दै ललितपुर महानगरपालिकाका प्रमुख चिरीबाबु महर्जनले ललितपुर महानगरपालिकामा स्थायी बसोबास गर्ने व्यक्तिहरु कोरोना संक्रमित भइ उपचारको क्रममा निधन भएमा व्यक्तिको परिवारलाई महानगरपालिकाले प्रतिमृतक एक लाख रुपैयाँ सहयोग गर्ने निर्णय गरेको बताएका छन् ।

त्यस्तै आईसीयू तथा भेन्टिलेटरमा उपचार गरेर निको भएकाहरुलाई जनही ५० हजार रुपैयाँ र अस्पताल भर्ना भएर कोरोना संक्रमणमुक्त भएकाहरुलाई जनही २५ हजार रुपैयाँ प्रदान गरीने जानकारी दिएका छन् ।

महानगरपालिकाबाट सहयोग लिनका लागि सिफारिसपत्र लगायत आवश्यक कागजपत्र आवश्यक पर्ने पनि बताइएको छ । महानगरभित्रका प्रत्येक वडामा पीसीआर र एन्टिजेन परीक्षणको व्यवस्था गरिएको पनि प्रमुख महर्जनले बताएका छन् ।