ने’पाली सेनाद्वारा ने’पाल प्र’हरीलाई ३ सय थान हतियार ह’स्तान्तरण

No Images Found

काठमाडौं : नेपाली सेनाले नेपाल प्रहरीलाई पहिलो चरणमा ३ सय थान हतियार उपलब्ध गराएको छ ।

करिब ११ हजार थान सानारठूला हतियार, गोली र त्यसमा प्रयोग हुने सामग्री प्रदान गर्ने उपलब्ध गराउने सरकारको निर्णय बमोजिम पहिलो चरणमा उक्त हतियार दिएको हो ।

प्रधानसेनापति पूर्णचन्द्र थापाले सोमबार जंगी अड्डामा आयोजित एक कार्यक्रमका बीच प्रहरी महानिरीक्षक शैलेश थापा क्षेत्रीलाई पहिलो चरणमा ३ सय थान हतियार र गोली तथा सामाग्री हस्तानान्तरण गरेका छन् ।

सैनिक जनसम्पर्क तथा सूचना निर्देशनलायका अनुसार नेपाल प्रहरीलाई तालिम, विशिष्ट र अति विशिष्ट व्यक्ति सुरक्षा, कार्यालय सुरक्षा तथा ठूला कार्यक्रमहरु संचालन गर्ने प्रयोजनका लागि भनी नेपाल सरकार, मन्त्रिपरिषद्को २०७८ जेष्ठ १७ गतेको निर्णय बमोजिम नेपाली सेनाले कुनै पनि मूल्य नलिई हतियार हस्तानान्तरण गरेको हो ।

सेनाले प्रहरीलाई विभिन्न प्रकारका राइफल र मेशिन गनहरु गरी १० हजार ८ सय १८ नाल र सोको एम्युनिशन गोटा १४ लाख ९४ हजार १६ उपलब्ध गराउने छ । हतियार तथा एम्युनिशन तीन चरणमा उपलव्ध गराउने योजना अनुसार बाँकी हतियार तथा एम्युनिशन २०७९ साल बैशाख महिनासम्ममा हस्तान्तरण गरिने सेनाले जनाएको छ ।

यस्तै उपलब्ध गराईएका हतियारहरूको मर्मत तथा प्रयोगको तालिम समेत नेपाली सेनाद्वारा नेपाल प्रहरीलाई प्रदान गर्ने योजना रहेको सेनाले जनाएको छ ।